美味的湯料

 

好耐無煲過蓮藕花生雞腳豬肉湯，

尋日突然間好想飲呢個湯，

 於是買齊料去煲啦!

咁當我整整下…

又醒起上次整綠豆煎餅時仲有些少開邊綠豆用剩喎~

剩底滴咁多都唔做乜好?

掉咗又好嘥咁~~一於將佢釀入D蓮藕度一齊煲啦!

其實呢個做法係家傳嘅~~

我好細個就開始鍾意走入廚房睇D大人煮飯，

咁~~細路仔睇睇下就好自然地就入哂腦garla!

細個嗰時覺得將D綠豆釀入D隆隆度好好玩架，

大個之後就知道用蓮藕煲老火湯係比較燥熱嘅!

於是佢地就加D綠豆(因為綠豆係偏寒的)入去中和番，

令到D湯無咁燥但又好好味喎!

唔知大家有無試過咁樣煲蓮藕湯嘅呢?