個人大碟

 

今早醒咗以為未天光繼續瞓

再醒…乜仲係咁黑嘅??!

望下個鐘原來已經成9點

望下出面仲落緊大雨噃!

開電視睇睇…原來紅雨

咁大雨…以為會有排落架啦!

唯有留在家中自己煮早餐啦!

點知我隻sunny side up都未煎好

阿Sunny伯伯已經彈咗出嚟!

本想即刻收手出街食嘅!

但個天變得咁快…而且仲掛緊紅雨

都唔知一陣會唔會又落狗屎

米喇! 都係乖乖地留响屋企食搵陣!

 

呢排成日整個人大碟做午餐

因為我一向冇乜飯癮

但如果有汁或者有湯比我撈….咁又唔同噃!

我又可以食一大碟個喎!